Türkiyənin Uşak Vilayət Prokurorluğu 13-ü həbsdə olan 111 şübhəli barəsində hazırlanan 2.527 səhifəlik ittihamnaməni məhkəməyə təqdim edib.

Axar.az Hürriyət-ə istinadən xəbər verir ki, prokurorluq Gülən üçün 1.900 il həbs, 2 milyon 210 min günü əhatə edən pul cəzası tələb edib.

Gülən "Güc istifadə edərək Türkiyə Cümhuriyyətinin konstitusiyasına qarşı addım atmaq", "Silahlı terror təşkilatı qurmaq və idarə etmək", "Dini inanc və duyğuların istismarı nəticəsində fırıldaqçılıq" və "Terrora maddi dəstək vermək" maddələri ilə təqsirli bilinib.

İttihamnamədə 2 nömrəli şübhəli olaraq FETÖ-nun "İsrail imamı" Harun Tokak, 3 nömrəli şübhəli "MİT imamı" Murad Qarabulud, 4 nömrəli şübhəli Qarabuludun köməkçisi Hazim Səsli elan edilib.