Rusiya Dövlət Duması ölkənin silahlı qüvvələrində və ya hərbi birləşmələrində döyüşmüş əcnəbilərin deportasiyasını və cinayət məsuliyyətinə cəlb edilməsi üçün ekstradisiyasını qadağan edən qanun layihələri paketini birinci oxunuşda qəbul edib.

Axar.az xəbər verir ki, bu barədə Rusiya mətbuatı məlumat yayıb.

Məlumata görə, sözügedən paket Ədliyyə Nazirliyi tərəfindən hazırlanıb və üç qanun layihəsindən ibarətdir:

“Cinayət Prosessual Məcəlləsinə təqdim ediləcək ilk qanun layihəsi Rusiya tərəfində döyüşmüş əcnəbilərin cinayət təqibi üçün ekstradisiyasını qadağan edir. Qanun paketində digər bir təşəbbüs, İnzibati Xətalar Məcəlləsinə onların deportasiyasını qadağa edir. Deportasiya əvəzinə, əcnəbilər 50 min rubla qədər cərimə olunacaq və ya 200 saata qədər ictimai işlərə cəlb olunacaqlar. Sənəd Rusiya silahlı qüvvələrində xidmət etmiş əcnəbiləri və vətəndaşlığı olmayan şəxsləri Rusiyaya girişinə qadağa qoyulma ehtimalından, eləcə də deportasiya təhlükəsindən qorumaq üçün nəzərdə tutulub. Dəyişikliklər həmçinin Rusiya hakimiyyət orqanlarını bu kateqoriyadan olan əcnəbilərə müvəqqəti yaşayış icazəsi və daimi yaşayış icazəsi verməkdən imtina səlahiyyətindən məhrum edir. Artıq verilmiş sənədlər ləğv edilə bilməz, nə də onların etibarlılıq müddəti qısaldıla bilər”.