Respublikaçılar Partiyasından ABŞ prezidentliyinə namizəd Donald Trampın seçilməsi gələcək Meksika üçün böyük təhdiddir.

Axar.az Deyli Meyl-ə istinadən xəbər verir ki, bu sözləri Meksika Prezidenti Enrike Penye Nyeto Trampla dünən baş tutan görüş haqda danışarkən deyib.

Prezidentin sözlərinə görə, Tramp artıq əvvəlki kimi danışmır, o, bir çox məsələlərdə fikrini dəyişib:

"Əgər Tramp əvvəllər azad ticarətlə bağlı sazişin ləğvi haqda danışırdısa, dünən artıq onun müasirləşdirilməsi metodlarını müzakirə edirdi".

Xatırladaq ki, daha öncə prezident rəsmi Tvitter hesabında dünənki görüş zamanı Trampa Meksika ilə ABŞ sərhədində tikiləcək divar üçün pul ödəməyəcəyini açıqladığını yazmışdı.

Görüş Meksika prezidentinin dəvəti ilə baş tutmuşdu.