Radikal israillilər yəhudi miqrantları müqəddəs bayramlara hazırlıq üçün "Məscidül-Əqsa"ya hücum etməyə çağırıb.

Axar.az xəbər verir ki, radikal yəhudilər miqrantlara İbrani təqvimi ilə gələn ay başlayacaq "Roş Aşana", "Yom Kippor" və "Sukot" kimi yəhudi bayramlarına hazırlaşmaq üçün bu həftənin bazar günündən etibarən Əqsa məscidinə hücum təşkil etməyi təklif ediblər.

Radikallar məscidə hücum edəndən sonra "Ağlama divarı" bölgəsində ictimai ayin təşkil edəcəklərini bildiriblər.

Qeyd edək ki, Qüdsdə yerləşən Məscidül-Əqsa müsəlmanların ilk qibləsi özəlliyi daşıyır. Yəhudilər isə sözügedən məsciddə Süleyman məbədi qalıqlarının olduğunu iddia edərək, qazıntı işləri aparırlar.