01:46

Türkiyənin Mardin vilayətinin Darkeçid mahalında PKK-çılarla atışmada 2 hərbçi həlak olub.

Axar.az xəbər verir ki, sözügedən mahalda hərbçilərin postu terrorçular tərəfindən raket və pulemyotlardan atəşə tutulub.

Məlumata görə, hadisə nəticəsində 4 hərbçi və 1 mülki şəxs yaralanıb.

Yaralılar dərhal xəstəxanalara çatdırılsa da, 2 hərbçinin həyatını xilas etmək mümkün olmayıb.

Terrorçuların tutulması istiqamətində bölgədə axtarışlara başlanılıb.

***

PKK terrorçularının Türkiyənin Mardin vilayətinin Darkeçit rayonunda hərbçiləri atəşə tutması nəticəsində həlak olan hərbçilərin sayı üçə çatıb.

Axar.az xəbər verir ki, ölənlərdən biri kənd qoruyucusudur.

Dargeçit və Midyat dövlət xəstəxanalarında yaralıların müalicəsi davam edir.