Suriyada müxaliflərin birləşdiyi "Fəth Ordusu" blokunun ən güclü qolu sayılan "Dəməşqin Fəthi Cəbhəsi" 100 gün ərzində İran və Əsəd rejiminə qarşı həyata keçirdiyi hücumların statistikasını açıqlayıb.

Axar.az xəbər verir ki, hesabatda bomba quraşdırılan avtomobillərlə 14 əməliyyatın təşkil edildiyi vurğulanıb.

Statistikaya görə, avtomobillərdən 11-nin zirehli texnika, 3-nün isə "Pikap" markalı olduğu ifadə edilib.

Həmçinin sözügedən hücumların 13-nün Hələbdə, 1-nin isə Latakiyada baş verdiyi bildirilib.

Qeyd edək ki, bəzi ekspertlər müasir dövrün ən təhlükəli silahlarının məhz bomba quraşdırılan avtomobillər olduğunu qeyd edir.