Onilliklər ərzində amerikalılar Rusiyanın sərt, mərkəzləşdirilmiş ordusuna və onun uyğunlaşma qabiliyyətinin zəifliyinə yuxarıdan aşağı baxıblar.

Axar.az xəbər verir ki, bu barədə Strateji və Beynəlxalq Araşdırmalar Mərkəzinin elmi əməkdaşı Yekaterina Bondar “Nyu York Tayms” qəzetində dərc olunan məqaləsində qeyd edib.

Onun fikrincə, bu təsəvvür artıq çoxdan köhnəlib:

“Ukraynadakı müharibənin dörd ili ərzində Moskva hərbi innovasiyalara təsirli və praqmatik yanaşma formalaşdırıb. Bu yanaşma daha çox işləyənə üstünlük verir, estetik görünənə yox. Belə ki, geniş miqyasda tətbiq oluna bilənə önəm verir, iddialı olana yox və kağız üzərində müsbət təsir bağışlayana deyil, döyüş meydanında real nəticə verənə fokuslanır.

Rusiya real vaxt rejimində müharibənin gələcəyini yenidən formalaşdırır, süni intellektə əsaslanan idarəetmə və nəzarət sistemləri yaradır və görünür ki, Qərb silahlı qüvvələrinin fəaliyyətini tənzimləyən məhdudiyyətlər olmadan tam avtonom silahlardan istifadə edir”.

Qeyd olunur ki, risklər yalnız Ukrayna müharibəsi ilə məhdudlaşmır və bunu ABŞ İranla qarşıdurma zamanı öz təcrübəsində görüb.

Müəllif izah edib ki, Tehranın Rusiyanın dəstəyi ilə istifadə etdiyi “Şahid” PUA-ları Yaxın Şərqdə ABŞ texnikası və obyektlərinə zərbələr endirib:

“Moskvannın avtonom döyüş əməliyyatları sahəsində əldə etdiyi irəliləyiş bu cür dron hücumlarını daha da dağıdıcı edə bilər. ABŞ üçün Rusiyanın gələcək müharibə yanaşmasını anlamaq vacibdir”.