ABŞ hökuməti Cənubi Koreyaya iki ədəd B-2 uzunmənzilli strateji bombardmançı təyyarələr göndərib.

Axar.az xəbər verir ki, bu barədə Pentaqon məlumat yayıb.

Açıqlamada təyyarələrin Şimali Koreya təhlükəsinə qarşı göndərildiyi bildirilib:

"Cənubi Koreyanın təhlükəsizliyi üçün Vaşinqtonun bu kimi addımları davam edəcək. ABŞ-a məxsus Guam adasında yerləşən Anderson Hərbi Hava Qüvvələri bazasından qalxan təyyarələr Şimali Koreyadan 120 km məsafədə yerləşən Osan hərbi bazası üzərində uçuş həyata keçirdi".

Qeyd edək ki, "USS Ronald Reyqan" təyyarədaşıyan gəmisi oktyabrda Cənubi Koreya sahillərinə göndəriləcək.