Suriyanın Deyr-əz Zor şəhərində Bəşər Əsəd rejiminə aid qüvvələrin vurulması bir qəza idi.

Axar.az xəbər verir ki, bu barədə ABŞ-ın Mərkəzi Qüvvələr Komandanlığı (CENTCOM) məlumat yayıb.

"İŞİD hədəflərini vurmaq istərkən yanlışlıq baş verdi. Koalisiya qüvvələri uzun müddətdir izlədikləri terrorçuların hədəfini vurduqlarını zənn edirdilər. Rusiyalı rəsmilər bombalananlar arasında Suriya ordusuna aid hərbi texnikaların da olduğunu bildirdilər. Bundan sonra bombardman dərhal dayandırıldı", - açıqlamada bildirilib.

Qeyd edək ki, ABŞ qırıcılarının Bəşər Əsədə sadiq qüvvələri hədəf alması nəticəsində 62 əsgər öldürülüb.