Çin Amerikadan neft idxalını artıracaq.

Axar.az xəbər verir ki, bunu ABŞ-ın energetika naziri Kris Rayt bildirib.

Onun sözlərinə görə, təkcə Çin deyil, digər Asiya ölkələri də Alyaskadan neft almaqda maraqlıdırlar.

Nazir bildirib ki, Fars körfəzi ölkələrindən enerji ixracı üçün yeni marşrutlar hazırlanır. O, xüsusilə Yaxın Şərqdə daha çox boru kəmərinin çəkilməsinin planlaşdırıldığını bildirib.

"Fars körfəzindən enerji resurslarının ixracı üçün başqa marşrutlar da olacaq. Hörmüz boğazının əhəmiyyətinin azaldığını görəcəyik, lakin bu ölkələrdən enerji istehsalı və təchizatının əhəmiyyəti azalmayacaq", - deyə o əlavə edib.

Xatırladaq ki, bu həftə Çinə səfər edən ABŞ Prezidenti Donald Tramp həmkarı Si Szinpinin Amerika neftini almağı düşündüyünü bildirmişdi.