Ermənistanın Baş naziri Nikol Paşinyanın Moskvanın ona qarşı kampaniya aparması ilə bağlı açıqlamaları riyakarlıqdır.

Axar.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova deyib.

“Bu vəziyyəti Rusiyanın üzərinə atırlar, riyakarlığın həddi varmı? Rusiyanın bununla nə əlaqəsi var? Xeyr, biz belə deyilik, belə olan Paşinyandır”, - Zaxarova bildirib.

Qeyd edək ki, Ermənistanda 7 iyunda parlament seçkiləri keçiriləcək. Seçkilərdə rusiyalı milyarder Samvel Karapetyan, Putinin dostu, ikinci prezident Robert Köçəryan və rusyönlü olması ilə fəxr edən iş adamı, Rusiya ilə ticarət əlaqələri olan Qagik Çarukyan daha fəaldır və rusyönlü media onların geniş təbliğatını aparır.