Rusiya XİN-nin rəsmisi Mariya Zaxarova ABŞ Dövlət Departamentinin rəsmisi Con Kirbinin Rusiyanın Suriya hakimiyyətini dəstəkləməsi ilə bağlı bəyanatına şərh verib.

Axar.az xəbər verir ki, Zaxarova bu haqda öz rəsmi Feysbuk hesabında yazıb.

"Sizə elə gəlmirmi ki, "kisələrdə cəsədlər", "təyyarələrin itirilməsi", "Rusiya şəhərlərində terror aktları" sözləri bir diplomat şərhindən daha çox itlərə verilən "fas" komandasına oxşayır?" – deyə, Zaxarova Kirbinin sözlərinə şərh verib.

Xatırladaq ki, Con Kirbi Rusiya Federasiyasının Suriya hakimiyyətini dəstəkləməsinə şərh verərkən bunun ağır nəticələr verə biləcəyini, sonda rus təyyarələrinin itirilməsinə, Rusiya şəhərlərində terror aktlarına və Suriyadan Rusiyaya kisələrlə cəsədlər göndəriləcəyinə gətirib çıxara biləcəyini açıqlamışdı.