ABŞ və İran arasında hava zərbələrinin baş verməsi onsuz da gərgin olan müharibəyə son qoymaq üçün danışıqları daha da çətinləşdirir. İranın Bəhreyn və Küveytə hücumları qəbuledilməzdir.

Axar.az xəbər verir ki, bunu Avropa Birliyinin xarici siyasət və təhlükəsizlik məsələləri üzrə ali nümayəndəsi Kaya Kallas özünün X səhifəsində yazıb.

“Memoranduma əsasən, Tehran Hörmüz boğazını yenidən açmağı öhdəsinə götürüb. Boğaz yaxınlığındakı gəmilərə edilən son hücumlar bu öhdəliyi pozur və enerji təchizatının bərpasına mane olur. Dənizçilik azadlığı maneəsiz olmalıdır.

Gələn bazar ertəsi günü görüşdə AB xarici işlər nazirləri Körfəz həmkarları ilə müqavilənin həyata keçirilməsini dəstəkləmək və boğazda, eləcə də Qırmızı dənizdə naviqasiya azadlığını qorumaq üçün necə birgə işləyə biləcəyimizi müzakirə edəcək”, - o qeyd edib.