Almaniya Rusiyanın Suriya siyasətinə cavab olaraq Moskvaya qarşı sanksiyalar tətbiq edə bilər.

Axar.az xəbər verir ki, bu barədə informasiyanı "Vol Strit Jurnal" qəzeti özünün etibarlı mənbələrinə istinadən yayıb. Qəzet hazırda kansler Angela Merkelin rəhbərlik etdiyi hökumətin Moskvanın Suriyadakı siyasi kursunu dəyişdirmək üçün yollar axtardığını bildirib.

Qeyd edək ki, Rusiyanın son aylar ərzində Suriyada aktivləşməsi və Hələbə endirdiyi aviazərbələri artırması Qərbin kəskin etirazına səbəb olub. ABŞ və Böyük Britaniya artıq rəsmən Moskvadan Hələbdəki mülki əhalini bombardman etməsini dayandırmağı tələb edib.