İranın xarici işlər naziri Abbas Arakçı və parlament sədri Məhəmməd Bağır Qalibaf Pakistan tərəfindən danışıqlar üçün İslamabada dəvət olunublar.

Axar.az xəbər verir ki, bunu İran Xarici İşlər Nazirliyinin sözçüsü İsmayıl Bəqai deyib.

“Arakçı və Qalibaf uyğun vaxtda Pakistana səfər edəcəklər. Qarşılıqlı səfərlər və mübadilələr iki qonşu ölkə arasında artan əlaqələrin təbii bir hissəsidir”, - o bildirib.

Qeyd edək ki, Pakistan aprel ayında atəşkəs və iyun ayında çərçivə sazişinin əldə edilməsinə kömək etmək də daxil olmaqla, gərginliyin azaldılması məqsədilə Vaşinqton və Tehran arasında vasitəçilik rolunu oynayıb.