UkraynaTəhlükəsizlik Xidməti (UTX) Rusiya Baş Kəşfiyyat İdarəsinin 14 nəfərdən ibarət agent şəbəkəsini zərərsizləşdirib.

Axaraz xəbər verir ki, bu barədə Ukrayna Təhlükəsizlik Xidməti məlumat yayıb.

Məlumata görə, şəbəkə F-16 və “Miraj 2000” qırıcılarının yerləşdirildiyi Ukrayna aviabazaları barədə kəşfiyyat məlumatları toplayıb.

Şəbəkə təyyarələrin, hərbi qulluqçuların və aerodromların fotoşəkillərini çəkib, həmçinin təyyarələrin havaya qalxma və enmə vaxtlarını izləyib. Toplanan məlumatların Rusiya kəşfiyyatına ötürüldüyü bildirilir.

Saxlanılanlar arasında Ukrayna ordusunun hərbçisi də var.