Amerikalı milyarder İlon Maskın “SpeysX” şirkəti 100 milyard dollarla "Starbase, Luiziana" kosmik limanı inşa edəcək.

Axar.az xəbər verir ki, bu barədə şirkət rəsmi məlumat yayıb.

Məlumata görə, tikinti işlərinə 2027-ci ildə başlanması, kosmodromdan isə ilk buraxılışın 2029-cu ildə həyata keçirilməsi planlaşdırılır.

Şirkət layihəyə ən azı 100 milyard dollar investisiya qoymağı və 3 mindən çox iş yeri yaratmağı nəzərdə tutur.

“Starbase” ildə minlərlə “Starship” uçuşunu dəstəkləmək üçün inşa ediləcək. Bu, yanacaq istehsal edəcək və elektrik enerjisi ilə təmin edəcək müstəqil kosmodrom olacaq”, - açıqlamada bildirilib.

Hazırda “Starship” kosmik gəmisinin prototiplərinin bütün sınaq uçuşları Texas ştatındakı “Starbase” kosmodromundan həyata keçirilir.