Radikal islamçı təşkilat Boko Haramın Nigeriyada 2 il əvvəl qaçırdığı 200-dən çox məktəbli qızdan 21-i sərbəst buraxılıb.

Axar.az xəbər verir ki, Nigeriya hökuməti açıqlamasında məsələ ilə bağlı Boko Haramla görüşün olduğunu bildirsə də, qızların necə azad olunması barədə detallı məlumat açıqlamayıb.

Lakin qızların məhkum mübadiləsi, yaxud fidyə müqabilində sərbəst buraxıldığı zənn olunur.

Qeyd edək ki, Nigeriyanın şimalında bir islam dövləti qurmağa çalışan Boko Haram 2014-cü ildə 276 məktəbli qızı qaçırmaqla gündəmə gəlmişdi. Hazırda Boko Haramın əsarəti altında neçə şagirdin olduğu bilinmir.