Rusiya heç vaxt sanksiyaların ləğvi üçün Avropanın ardınca düşüb yalvarmayacaq.

Axar.az xəbər verir ki, bunu Rusiyanın xarici işlər naziri Sergey Lavrov deyib.

O bildirib ki, Kreml heç vaxt Avropadan təcrid olunmaq və onunla arasına sədd çəkmək siyasəti yürütməyib:

“Bu qərarı məhz Avropa ölkələri verib. Avropa hesab edirdi ki, əvvəlki illərdəki əməkdaşlığımız Rusiya üçün çox vacibdir və Rusiya yalvaracaq: “Gəlin bizi bağışlayın, baş verənləri unudun, geri qayıdaq, sanksiyaları ləğv edək”. Belə olmayacaq. Bu, xalqımızın genetik koduna tamamilə yaddır. Bizim öz qürurumuz var. Həm də bu sözün ən yaxşı mənasında. Bizə heç kimin xoş münasibəti lazım deyil”.