İnqilabın ən böyük çətinliyi onun sıfır nöqtəsinə, yəni başladığı nöqtəyə çatmamasını təmin etməkdir.

Axar.az xəbər verir ki, bu sözləri Baş nazir Nikol Paşinyan Milli Təhlükəsizlik Şurasının keçmiş katibi Armen Qriqoryanın kitabının təqdimatında deyib.

“İnqilabımızla bağlı ən böyük təəssüratım 2018-ci ildə, artıq Baş nazir vəzifəsində olduğum və digər ölkələrin liderləri ilə ünsiyyət qurduğum zaman inkişaf etmiş bir ölkənin uzunmüddətli liderinin "Bilirsiniz, ölkəmizin də belə bir inqilaba ehtiyacı var" deməsi oldu”, - o bildirib.

“Və çıxışımı ölkəmizin hələ də inqilaba ehtiyacı olduğunu qeyd etməklə bitirmək istəyirəm”, - deyə Nikol Paşinyan vurğulayıb.