20:57

İraq ordusunun Mosul şəhərinə hücumu oktyabrın 17-də, sübh çağı başlayacaq.

Axar.az xəbər verir ki, bu barədə Sky News Arabia Kürdistan muxtariyyətindəki etibarlı mənbəsinə istinadla məlumat yayıb.

"Əl-Cəzirə" də öz mənbələrinə istinadla hücumun yaxın saatlarda başlayacağını bildirib. Kanalın məlumatında peşmərgə qüvvələrinin hücumu ilə əməliyyatın start götürəcəyi qeyd edilir.

Xatırladaq ki, Türkiyə Prezidenti Ərdoğan bu əməliyyatın 19-da başlaya biləcəyi haqda danışmışdı.

Artıq dünəndən ABŞ-ın başçılıq etdiyi koalisiya qüvvələri Mosuldakı İŞİD mövqelərinə aviazərbələr endirməyə başlayıb. İraq hökuməti isə Mosul sakinlərinə təyyarə vasitəsilə yaxın vaxtlarda şəhərin İŞİD-dən azad olunacağını müjdələyən vərəqlər atıb.

22:20

Peşmərgə qüvvələri Mosula doğru hərəkətə keçib.

Axar.az xəbər verir ki, artıq bir konvoy Ərbilə doğru irəliləyir.

Şimali Kürd İraq Rəhbərliyinə yaxın "Rudav" saytı ilk yola çıxan peşmərgə qüvvələrinin ilk məkanının Hacı cəbhəsi olacağı barədə məlumat yayıb.

İlk dəstə tank, zirehli texnikalarla, eləcə də ağır silahlarla yola çıxıb.

Yola çıxan peşmərgə qüvvələri Kürdüstan sərhədi daxilində bir İŞİD terrorçusunun belə qalmayacağını bildiriblər.

Mosula aparan 6 cəbhədən 5-i peşmərgə qüvvələrinin nəzarəti altındadır.

Mosula və cəbhələrə olan məsafə:

Keşkə cəbhəsi - 40 km

Mosula anbarı - 30 km

Naveran cəbhəsi - 20 km

Hazı cəbhəsi - 20 km

Güver cəbhəsi - 40 km

Qeyara cəbhəsi - 80 km