Yəməndə hakimiyyət qüvvələri ilə Husi qiyamçıları arasında 2015-ci ilin martından davam edən silahlı münaqişə nəticəsində bu günə qədər 1163 uşaq ölüb.

Axar.az xəbər verir ki, bu barədə BMT Uşaq Fondu (UNİCEF) məlumat yayıb.

2015-ci ilin martından davam edən silahlı münaqişə nəticəsində 1730 uşaq yaralanıb. 2016-cı ildə silahlı münaqişəyə cəlb olunan uşaqların sayı 7 dəfə artaraq, 1200-ə çatıb. Uşaqlardan daha çox Husi qiyamçıları istifadə edib.

Qarşıdurmalar zamanı 780 məktəb dağıdılıb, 350 min uşaq məktəbdən yayınıb.

Hazırda isə Yəməndə 10 milyona yaxın uşağın təcili humanitar yardıma ehtiyacı var.