Axar.az
Yuxarı

Axar.Az Logo

Türkmanların vəziyyəti yaxşı deyil - Kasapoğlu

Ana səhifə Planet
12 Punto 14 Punto 16 Punto 18 Punto

Kərkükdə fövqəladə vəziyyət davam edir, şəhərin məhəllələrinin bir hissəsi hələ də İŞİD-in nəzarətindədir.

Bu barədə APA-ya kərküklü jurnalist, Anadolu Agentliyinin Kərkük təmsilçisi Əli Mükərrəm Kasapoğlu deyib.

"Kərkükdə hələ də fövqəladə vəziyyətdir. Dünən 5 məhəllə İŞİD-in əlində idi. Bu gün ikiyə düşüb. Kərkükün böyük hissəsində həyat normala dönüb. 25 faizində hələ təhlükə var. Axşama doğru vəziyyətin normala dönəcəyini düşünürəm".

Əli Mükərrəm Kasapoğlu PKK terrorçularının Kərkükə daxil olmasına aydınlıq gətirib: "Dünən vəziyyət pis olduğundan şəhərə başqa yerlərdən də gələnlər oldu, PKK da gəldi. Onlar buradakı vəziyyəti düzəltmək üçün gəlib. PKK-çılar əslində uzun zamandan bəri burdadırlar. Kərkükün cənubunda yerləşirlər. Orada təxminən 50 PKK üzvü var. Onlar bəzən Kərkükə daxil olurlar, Türkiyə bunu bilir. Kərkükdə indiyə qədər türkmənlərlə PKK-çılar arasında problem yaranmayıb. Ancaq türkmənlər bunlardan qorxur. Çünki Tuzhurmatuda onlar xalqa zülm edir. Neçə insanımızı qaçırıblar. Yəni türkmənlər üçün PKK-nın burda qalması qorxu və təhlükədir".

Jurnalist Kərkükdə türkmanlara aid hərbi birliklərin olmadığını deyib: "Türkmanların özlərinə aid bir qüvvələri yoxdur. Amma türkmənlər özləri-özlərini qorumağa çalışır. Hər kəsin silahı var. Kürdlərin peşmərgəsi var, bizim Tuzhurmatuda bir qrupumuz var. Onlar da dövlətə bağlıdır. Kərkük şəhəri İraqın ən mühüm şəhərdir. Kərkük ortadadır. Süleymaniyə, Bağdad, Ərbil, Tikrit... Çox strateji yerdir. Bundan başqa İraqın ən böyük neft yatağı buradadır. İŞİD Mosulda kəndləri, nəzarət etdiyi yerləri itirir deyə bu hadisəni törətdilər. Onlar Kərkükü tuta bilməzlər. Kərkük güclüdür. Bunlar Mosuldakı terrorçulara dəstək vermək üçün belə etdilər".

Kərküklü jurnalist türkmanların muxtariyyət davası etmədiyini deyib: "Türkmanlar bir muxtariyyət istəmirlər. Çünki türkmanlar İraqı sevirlər. Bizim əsas istəyimiz odur ki, ərəbə, kürdə, şiəyə verilən haqlar bizə də verilsin. Bir də dövlət bizi qorusun. Yaşadığımız yerlər təhlükəsiz olsun. Öz dilimizdə danışaq. Türkmanların şiəsi də, sünnisi də İraqı sevir. Əgər kürdlər, şiələr, sünnilər varsa, biz də muxtariyyət istəyərik. Ancaq İraqı bölünməyini istəmirik. İraq bölünsə, biz də öz bölgəmizi, Türkmanelini istəyirik".

Əli Mükərrəm Kasapoğlu Kərkükdə türkmanların durumunun yaxşı olmadığını deyib: "Türkiyə dövləti türkmanlar üçün çox mühümdür. Türkiyə olmasaydı, türkmanlar yox olardı. İraqda çoxlu xalq var. Onların vəziyyəti pisdir. Bizim də vəziyyət yaxşı deyil. Ancaq Türkiyə bizə çox yardım edib, hər zaman arxamızda dayanıblar".

Tarix
2016.10.22 / 18:16
Müəllif
Axar.az
Şərhlər
Digər xəbərlər

Rusiya Polşaya kiberhücum həyata keçirib - Kaçinski

Müharibə vaxtı Xəzərdəki rus sistemlərindən istifadə edirdik

Dünyada qaçqınların sayı 1 ilə 4% artdı - Hesabat

Bu ölkədə 5 müəllim, 80 şagird qaçırıldı

Azərbaycanın axtarışa verdiyi Abramyan danışdı

Şok nəticə: Köçəryan liderliyə yüksəldi - Sorğu

Qarabağa görə günahkar Nikol deyil - Babayan

Rusiya MiQ-29-ları bu gücdə deyil - KİV

Qırmızı qar yağdı

“Putinin aşpazı” ABŞ-a rəsmi müraciət etdi

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla