Vatikan başçılarının İtaliya paytaxtı yaxınlığındakı Kastel Qandolfo yay iqamətgahı ictimaiyyət üçün açıq elan edilib.

Musavat.com xəbər verir ki, Kastel Qandolfo villasına gələn turistlərə ilk dəfə olaraq Roma Papasının yataq otağını görmək də nəsib olacaq. Əsrlər boyu otağın 15 sahibi olub. XII Popes Pius və VI Paul burada vəfat edib. İkinci dünya müharibəsi vaxtı isə qaçqınlara ayrılmış bu otaqda 40 uşaq dünyaya gəlib.

Kilsə rəsmilərini daha təvəzökar həyat tərzinə səsləyən Vatikanın hazırkı rəhbəri iqamətgahı ictimaiyyət üçün açıq elan etmək qərarına gəlib.

Mərmər döşəmələrilə seçilən bina Vatikan tərəfindən 1596-cı ildə alınıb. Vaxtilə villa Roma papalarının yay iqamətgahı kimi istifadə olunub.

Sonuncu dəfə villa 2013-cü ildə istefaya çıxan XVI Benedikt tərəfindən istifadə olunub.

Roma Papası Fransis bahalı villa və Vatikandakı dəbdəbəli mənzildən imtina edərək sadə oteldə yaşayır.
Vaxtilə turistlər Kastel Qandolfoya Papanın xeyr-duasını almaq üçün də gələrdilər.