Bu gün BMT-də ABŞ-ın Kubaya tətbiq etdiyi embarqonun ləğvi ilə bağlı səsvermə keçirilib.

Axar.az xəbər verir ki, ABŞ və İsrail tarixdə ilk dəfə səsvermədə bitərəf qalıb. 191 ölkə isə qərarın lehinə səs verib.

Səsvermədən öncə çıxış edən ABŞ-ın BMT-dəki daimi təmsilçisi Samanta Pouer 50 ildən sonra embarqonun ləğv edilə biləcəyini deyib:

"50 ildir ABŞ Kuba rəhbərliyinə təzyiq edir. Hələ bu müddətin yarısında BMT-də embarqonun ləğvi üçün səsvermə keçirilirdi. ABŞ isə hər zaman buna "yox" deyirdi. Bu gün isə bitərəf qalacağıq".

Kubanın Xarici İşlər naziri Bruno Rodriqes Parrilla çıxışında ABŞ-ın bu addımını alqışlayıb və Samanta Pouerə təşəkkür edib.