Rusiya 2017-ci ilin sonuna qədər bütün kimyəvi silahları məhv etməyi planlaşdırır.

Axar.az xəbər verir ki, bunu Rusiya Kimyəvi silahların təhlükəsizliyi və məhv edilməsi üzrə Federal Xidmətin rəhbəri Valeri Kapaşin deyib.

Onun sözlərinə görə, bununla bağlı müvafiq qərar verilib və gələn ilin sonuna qədər proses yekunlaşacaq.

Xatırladaq ki, Rusiya 1997-ci ildə BMT-nin Kimyəvi Silahlar Konvensiyasına qoşulub və Sovet dövründən qalma bütün kimyəvi silahların məhv edilməsinə başlanılıb. 1990-cı illərdə 39.967 ton kimyəvi silah olduğunu açıqlayan Moskva indiyə qədər bu silahların 90 faizini məhv edib.