Hindistan və Pakistan sərhədində gərginlik yenidən artıb.

Axar.az xəbər verir ki, son sutka ərzində tərəflər arasında baş verən atışma nəticəsində ən azı 12 nəfər həlak olub. Ölən şəxslərdən yalnız 1 nəfəri hərbçidir.

Hindistan tərəfinin açıqlamasına görə, Pakistanın açdığı atəşdən sonra 7 dinc sakin həlak olub. Onların 4-ü qadın, 3-ü azyaşlı körpə olub. Pakistan tərəfi isə Hindistan ordusunun zərbəsindən sonra Nakial ərazisində 4 dinc sakinin həlak olduğunu, 6 nəfərin yaralandığını bildirib.

Qeyd edək ki, sentyabr ayından bu yana Hindistanla Pakistan arasında münasibətlər gərginləşib. Sentyabrın 29-da Hindistanın Kəşmirdə keçirdiyi antiterror tədbirləri zamanı Pakistan ərazisinə zərbə endirməsi rəsmi İslamabadın etirazına səbəb olub. Bundan sonra iki ölkə arasında münasibətlər gərginləşib. Hindistan hərbçiləri təkcə son 11 gün ərzində Pakistana qarşı 5 min minaatan mərmisindən istifadə ediblər.