Bizim ölkədə kibertəhlükəsizlik və informasiya təhlükəsizliyi cari vaxtda olan müvafiq təhdidlərə dayana biləcək səviyyədə təmin edilir.

Axar.az xəbər verir ki, bunu jurnalistlərə açıqlamasında Rusiya prezidentinin mətbuat katibi Dmitri Peskov söyləyib.

Peskov ABŞ hakerlərinin Kremlin idarəetmə sisteminə daxil olduğu barədə xəbəri təkzib edib.

Qeyd edək ki, NBC televiziyası Amerika hakerlərinin Kremlin idarəetmə və enerji təminatı sisteminə daxil olduğu haqqında informasiya yayıb. Televiziya bununla hakerlərin bu sistemləri ABŞ-ın gizli kiber silahı üçün müdafiəsiz vəziyyətə gətirdiklərini söyləyib.