İraq ordusu ilə İŞİD terror qruplaşması arasında baş verən atışmalar səbəbindən son 24 saat ərzində 3 mindən çox mülki şəxs Mosuldan qaçıb.

Axar.az xəbər verir ki, bu barədə İraqın Qızılaypara Cəmiyyətinin üzvü İyad Rafi Anadolu Agentliyinə açıqlamasında deyib.

O bildirib ki, dinc sakinlər Hazır qaçqın düşərgəsinə sığınıb:

"Qızılaypara cəmiyyəti, Miqrasiya üzrə nazirlik, beynəlxalq qurumlar miqrantlara yardım etməyə çalışır".

Bundan əlavə, Miqrasiya üzrə Nazirliyin açıqlamasına görə, Mosul əməliyyatının başlandığı 17 oktyabrdan bəri 29 min 539 dinc sakin evlərini tərk etmək məcburiyyətində qalıb.