Türkiyənin Çanaqqala vilayətinin Bozcaada rayonunda 181 miqrantı Yunanıstanın Midilli adasına aparmaq istəyən yaxta saxlanılıb.

Axar.az xəbər verir ki, araşdırma zamanı sözügedən yaxta ilə bağlı maraqlı faktlar ortaya çıxıb.

"Prezident" adlı yaxta Türkiyənin keçmiş baş naziri Tansu Çillərə məxsus imiş. Lakin 5 il əvvəl 195 min avro qarşılığında satılıb.

Çox sürətli və manevr qabiliyyəti olan yaxta 1987-ci ildə Tayvanda istehsal olunub, 19 metr uzunluqda, 650 at gücündədir.

Xatırladaq ki, "Prezident" ötən ilin sentyabrında Balıkəsir vilayətinin Bandırma rayonunda 134 miqrantı yunan adalarına aparakən saxlanılmışdı.