İŞİD-in Palmiraya hücumu ABŞ və bəzi region ölkələri tərəfindən təşkil edilib.

Axar.az xəbər verir ki, bu iddia ilə iranlı politoloq Sabbah Zəngənə çıxış edib.

“Mosulun blokadaya alınmasından sonra İŞİD terrorçuları başqa ərazilərə hücum etmək barədə qərara gəldilər. Əlbəttə, Palmiraya hücum Qətər və Səudiyyə Ərəbistanının dəstəyi olmadan həyata keçirilə bilməzdi. Təxminən 4 min döyüşçünün ABŞ-ın radar sisteminə yaxalanmadan Suriyaya keçməsi mümkünsüzdür. Ümumilikdə bu əməliyyat ABŞ və bəzi region ölkələrinin dəstəyi ilə həyata keçirildi”, - Zəngənə bildirib.

Qeyd edək ki, ötən gün İŞİD Suriyanın antik Palmira şəhərinə tam nəzarəti yenidən ələ keçirib.