Avropa Birliyinin rəsmiləri artıq ABŞ-ın yeni seçilmiş prezidenti Donald Trampa İranla bağlı xəbərdarlıq edib.

Axar.az xəbər verir ki, bu barədə informasiyanı “Faynənşl Tayms” qəzeti özünün etibarlı mənbələrinə istinadən yayıb. Qəzet avropalıların İranla münasibətlərin dayandırılmasına tərəfdar olmadığını bildirib:

“Əgər Vaşinqton İranla nüvə razılaşmasını pozsa, Avropa Birliyi Tehrana qarşı yeni beynəlxalq təzyiq kampaniyasını dəstəkləməyəcək. AB rəsmiləri ancaq İran tərəfindən böyük provokasiya olacağı halda bu təzyiq proqramına qoşulacaqlarını bəyan ediblər. Hazırda avropalıların fikrincə, İrana qarşı yeni sanksiyalar uğursuzluqla başa çatacaq”.

Qeyd edək ki, Tramp seçkiqabağı təşviqat kampaniyası zamanı İranla imzalanan nüvə razılaşmasının ABŞ üçün rüsvayçılıq adlandırıb. O, bu müqaviləni ləğv edəcəyini bildirib.