Ana səhifə Planet |
ABŞ-ın yeni seçilmiş prezidenti Donald Trampla bağlı gizli sənədləri yayan şəxs İngiltərə casusu imiş.
Axar.az “Uol Strit Jurnal” qəzetinə istinadən xəbər verir ki, 52 yaşlı Kristofer Stil uzun müddət İngiltərə Xarici Kəşfiyyat İdarəsi - Mİ6-da çalışıb.
Qəzet Stilin 1990-cı ildə İngiltərənin Moskvadakı səfirliyində çalışdığını yazıb. Mİ6 casusu kimi dəfələrlə özünü doğruldan Stil hətta təşkilatın 100 illiyində təşkil olunan mərasimdə geniş nitq söyləyib.
Qeyd edək ki, ilk dəfə CNN-in yayımladığı 32 səhifəlik hesabatda rusiyalı rəsmilərin Trampa aid çox gizli məlumatlara sahib olduğu, seçki kampaniyası ərəfəsində amerikalı iş adamının Moskva ilə tez-tez əlaqə saxladığı vurğulanıb.
Həm Tramp, həm də Kreml yayılan iddiaları rədd edib.
K.Stil hazırda Londonda “Orbis” adlı təhlükəsizlik şirkətinin rəhbəridir.
Tarix
2017.01.12 / 13:59
|
Müəllif
Hacı Qulu
|