Ana səhifə Planet |
Təyyarə eniş icazəsi aldıqdan sonra radarlardan itib.
Axar.az xəbər verir ki, bu sözləri Qırğızıstan Baş nazirinin müavini Məhəmmədkalıy Abulqazıyev qəzaya uğrayan Türkiyənin ACT Hava Yollarına məxsus Boinq-747 təyyarəsi ilə bağlı açıqlamasında deyib.
“Mütəxəssislərin fikrincə, təyyarənin enişi zamanı hər hansı maneə yox idi. Sabah Moskvadan nümayəndələr gələcək. Araşdırma Komissiyası təyyarənin hansı səbəbdən qəzaya uğramasını müəyyənləşdirəcək. Araşdırmalarda təyyarənin aid olduğu şirkətin 2 nümayəndəsi də iştirak edəcək”, - Abulqazıyev bildirib.
Nazir müavini qara qutunun tapıldığını da vurğulayıb.
Qeyd edək ki, Honkonqdan gələn ACT Hava Yollarına məxsus Boinq-747 yük təyyarəsi Bişkekin Manas hava limanına eniş edən zaman yaşayış sahəsinin üzərində qəzaya uğrayıb. Nəticədə 37 nəfər həlak olub.
Tarix
2017.01.16 / 22:17
|
Müəllif
Kamran Ədalət
|