Bəzi həssas məlumatların mətbuata ötürülməsində sabiq prezident Barak Obamanın əli var.

Axar.az xəbər verir ki, bu sözləri ABŞ Prezidenti Donald Tramp deyib.

Milyarder prezident onu da əlavə edib ki, ölkədə başlayan etiraz dalğasının arxasında da Obama dayanır:

“Həssas informasiyaların ictimaiyyətə ötürülməsi çox güman ki, Obamanın adamları tərəfindən həyata keçirilir. Çünki bu insanlar milli təhlükəsizlik məsələsində çox naşıdırlar. Ölkədə mənə qarşı etirazlar var. Bu məni narahat etmir. Çünki siyasət biraz belədir. Mənə qarşı aparılan oyunların arxasında onun olması da bir siyasətdir. Yəqin ki, bu davam edəcək. Heç təəccüblənmirəm. Obamanın istəmədiyi siyasəti yürüdürəm”.