Ana səhifə Planet |
Gürcüstan prezidenti sonuncu dəfə xalq tərəfindən 2018-ci ildə seçiləcək.
Axar.az xəbər verir ki, bunu jurnalistlərə açıqlamasında Gürcüstan parlamentinin sədri İrakli Kobaxidze söyləyib.
O, 2018-ci ildən sonra prezidentin parlament tərəfindən seçiləcəyini bildirib:
“Dəyişikliklərə əsasən, bundan sonra Milli Təhlükəsizlik Şurası Müdafiə Şurası adlanacaq. O, yalnız müharibə zamanı çağırılacaq. Bu şuraya prezident rəhbərlik edəcək. Üstəlik, Gürcüstanda parlament seçkisinin bundan sonra proporsional və majoritar qaydada yox, yalnız proporsional qaydada keçirilməsi planlaşdırılır. Bu isə müxalifət partiyalarının mövqelərini gücləndirməyə yardım edəcək”.
Qeyd edək ki, bir müddət öncə Gürcüstan Prezidenti Georgi Marqvelaşvili ölkə konstitusiyasına ediləcək dəyişiklikləri tənqid edib. Marqvelaşvilinin fikrincə, bununla ölkədə mövcud olan demokratik institutlara zərbə vurulacaq.
Tarix
2017.03.02 / 15:08
|
Müəllif
İlkin Həsənov
|