Ana səhifə Planet |
Obamanın Quantanamodan azad etdiyi 122 islamçı ekstremist yenidən döyüş meydanlarına qayıdıb.
Axar.az xəbər verir ki, bunu özünün Tvitter səhifəsində ABŞ Prezidenti Donald Tramp paylaşıb.
O, Obamanın qərarını dəhşət adlandırıb.
Qeyd edək ki, ABŞ Prezidenti Barak Obama 2008-ci ildə prezident olarkən Quantanamo həbsxanasını bağlayacağını bildirmişdi. Həbsxananı qapada bilməsə də, prezident buradakı məhbusların sayını 712-dən 59-a endirməyi bacarıb.
Quantanamo həbsxanası 2002-ci ildə ABŞ Prezidenti Corc Buşun əmri ilə Kubada yaradılıb. İndiyə qədər dünyanın ən gizli həbsxanalarından biri hesab edilir. Burada əsasən Əfqanıstan və İraqda vuruşan terrorçular saxlanılır. Pentaqonun açıqlamasına görə, Quantanamoda hazırda 41 ölkədən terrorçu var. Aralarında Səudiyyə Ərəbistanı, Əfqanıstan və Yəmən vətəndaşları üstünlük təşkil edir. Quantanamodakı məhbusların demək olar ki, hamısı buraya məhkəmə keçirilmədən terrorizmdə şübhəli bilinərək salınıb. Konqres indiyə qədər həbsxananın bağlanmasına və terrorçuların ABŞ ərazisindəki həbsxanalara köçürülməsinə qarşı çıxır.
Tarix
2017.03.07 / 18:16
|
Müəllif
İlkin Həsənov
|