Rusiya neft hasilatının azaldılması ilə bağlı imzaladığı razılaşmanın şərtlərini yerinə yetirmir.

Axar.az xəbər verir ki, bunu CNBC televiziyasına müsahibəsində Səudiyyə Ərəbistanının Energetika naziri Xalid Falih söyləyib. O, Moskvanın fevralda neft hasilatını lazımi səviyyədə azaltmadığını bəyan edib.

Qeyd edək ki, ötən il noyabrın 30-da OPEK üzvü olan ölkələrin Vyana sammitində neft bazarında qiymətlərin sabitləşməsi məqsədilə hasilatın 2017-ci ilin yanvarından 1,2 milyon barrel azaldaraq, 32,5 milyon barrel səviyyəsinə çatdırmaqla əlaqədar razılıq əldə olunmuşdu. Saziş kartelə daxil olmayan ölkələrin gündəlik hasilatı 600 min barrel azaltmalarını nəzərdə tutur.