12:46

İstanbulun Böyükçəkməcə mahalında helikopter qəzaya uğrayıb.

Axar.az xəbər verir ki, yanğını söndürmək əraziyə cəlb olunan helikopterin televiziya qülləsinə dəyərək yerə düşdüyü deyilir.

Qəza zamanı helikopterdə 2 pilot, 5 əcnəbi və 1 türk sərnişinin olduğu bildirilib.

Böyükçəkməcə bələdiyyəsinin sədri Həsən Ağgün 5 nəfərin öldüyünü bildirib.

Türkiyə mətbuatının məlumatına görə, ölənlərin 4-ü Rusiya vətəndaşı olub.

Hazırda əraziyə xeyli sayda təcili tibbi yardım maşını və yanğınsöndürənlər cəlb olunub.

***

Türkiyə mətbuatının məlumatına görə, qəza zamanı “Eczacıbaşı” holdinqinin Rusiya bölməsi olan “Vitra” şirkətinin baş direktoru Səlim Özən həlak olub.

Onunla bərabər 4 Rusiya vətəndaşı – Aleksandr Vanin, İqor Koçergin, Lyudmila Çurova və Yelena Badraqa da qəza zamanı ölüblər.