Almaniya ilə Türkiyə arasında yaranan gərginliyə Almaniya Sosial Demokrat Partiyasından baş nazir vəzifəsinə namizəd olan Martin Şults da qoşulub.

Axar.az xəbər verir ki, o, Angela Merkeli Türkiyəyə qarşı daha qəti mövqe nümayiş etdirməyə çağırıb.

“Ərdoğan partiya lideri kimi Almaniyaya gəlsə, ona olunacaq tənqidləri qəbul etmək məcburiyyətində qalacaq. Bizə “Dayan!” deyə biləcək bir baş nazir lazımdır. Əgər türk siyasətçilər bizi nasist olmaqda ittiham edirlərsə, demək, artıb qırmızı xətti keçiblər. Hörmətli Ərdoğan qanunlara tabe olmağa məcburdur. Merkel bunu ona açıq şəkildə deməlidir”, - Şults bildirib.

Qeyd edək ki, son vaxtlar Almaniya-Türkiyə münasibətlərində ciddi gərginlik yaşanır. Buna səbəb referendum təbliğatı həyata keçirəcək Türkiyə rəsmilərinin Almaniyada çıxışlarına qadağa qoyulması olub.