ABŞ prezidentinin milli təhlükəsizliklə bağlı esk-müşaviri Maykl Flin Türkiyənin sifarişi ilə Fətullah Gülənlə bağlı informasiya toplayıb.

Axar.az xəbər verir ki, bu barədə informasiyanı “Nyu York Tayms” qəzeti özünün etibarlı mənbələrinə istinadən yayıb. Qəzet Flinin Türkiyənin məxfi agenti olmadığını, sadəcə şəxsi lobbi şirkətinin fəaliyyətini aparmaq üçün bu işə girişdiyini bildirib:

“Flini bu işə Türkiyə Prezidenti Rəcəb Tayyib Ərdoğanla bağlı olan Türkiyə nümayəndələri təyin ediblər. Flin Fətullah Gülən haqqında informasiyalar toplamalı idi. Flin bu sifarişi prezident seçkisi keçirilənə qədər yerinə yetirib. Bunun qarşılığında isə Ankara onun şirkətinə təxminən 500 min dollar ödəyib”.

Qeyd edək ki, Flin bir müddət öncə tutduğu vəzifədən istefa verib. Buna səbəb onun Rusiya səfiri Sergey Kislyakla əlaqəsi olub.