İqtisadi sanksiyalar altında əzilən Rusiya anneksiya etdiyi Krımı qidaya dəyişməli olacaq.

Axar.az xəbər verir ki, bunu “Obozrevatel” saytına müsahibəsində ukraynalı jurnalist Larisa Voloşina söyləyib.

“Bir zamanlar SSRİ də belə məcburiyyət qarşısında qalaraq Şərqi Almaniyanı Qərbi Almaniyaya güzəştə getmişdi. Rusiya beynəlxalq ictimaiyyətin onun Ukraynaya qarşı aqressiyasına cavab verməyəcəyini düşünürdü. Onlar yanıldılar. Rusiya bundan sonra da deqradasiyaya məruz qalacaq. Rusiya SSRİ deyil. SSRİ iqtisadi nöqteyi-nəzərdən özünü təmin etmək gücündə idi. Bu, qapalı iqtisadiyyat idi. Rusiya isə özünü təmin etmək gücündə deyil. Rusiyanın özünün rəsmi iqtisadi göstəricilərinə görə, onların infrastrukturunun 75%-i dağılır. Bu ölkədə şəhərlər yoxa çıxır. Onlar təcridlə bacarmırlar. Rusiyanın deqradasiyası davam edəcək və pulları azalacaq”, – deyə o bildirib.