Türkiyə Rusiyadan aldığı buğdaya qoyduğu vergini götürmədən bu ölkəyə tətbiq etdiyimiz heç bir sanksiyanı dayandırmayacağıq.

Avropa.info xəbər verir ki, bu açıqlama ilə Rusiya Baş nazirinin müavini Arkadi Dvorkoviç çıxış edib.

“Buğda qadağası götürülmədən hər hansı bir sanksiyanı ləğv edəcəyimiz ehtimalı yoxdur. Əgər bu qadağalar ləğv edilərsə, razılığa gələ biləcəyimiz bir neçə məqam var”, – Dvorkoviç deyib.

Xatırladaq ki, Türkiyə vergisiz taxıl məhsulları idxalına icazə verdiyi ölkələr siyahısından Rusiyanı 15 martda çıxarmışdı. “Kommersant” qəzeti bu addımın Rusiyanın Türkiyədən pomidor idxalına qoyduğu qadağaya cavab olduğunu yazmışdı.