Türkiyə Silahlı Qüvvələri İraqın şimalındakı Haftanində və Adıyaman bölgəsində əməliyyat keçirib.

Axar.az xəbər verir ki, bu barədə Türkiyə Baş Qərargahı məlumat yayıb.

Bombardman zamanı 14 terrorçu məhv edilib, silah anbarları, müdafiə mövqeləri dağıdılıb.

Qeyd edək ki, bir müddət əvvəl Türkiyə qırıcılarının Suriya və İraqda PKK mövqelərinə aviazərbələri nəticəsində 89 terrorçu öldürülüb. Türkiyənin ilk dəfə olaraq Sincarı bombardman etməsi ABŞ, Rusiya və İranın narazılığına səbəb olub. Türkiyə lideri Ərdoğan isə bu əməliyyatla bağlı ABŞ və Rusiyanın əvvəlcədən məlumatlandırıldığını açıqlayıb.