Çin neftçiləri tarixdə ilk dəfə olaraq Cənubi Çin dənizinin dərinliklərindən yüksək təzyiq nəticəsində kristala çevrilən təbii qazla suyun birləşməsi nəticəsində əmələ gələn “alışan buz” çıxarıb.

Axar.az TASS-a istinadən xəbər verir ki, nümunələr Honkonq şəhərindən 285 km cənub-şərqdə, 1,2 km dərinlikdə qazılan quyudan götürülüb.

“Bizim bu qazıntının hasilatını uğurla həyata keçirməyimiz Çinin gələcəkdə misilsiz uğurlar əldə etməsinə vəsilə oldu. Bu o deməkdir ki, ölkəmiz hasilat texnologiyası üzrə dünya ölkələri arasında qabaqcıl yerlərdən birini tutur”, – deyə Geoloji Tədqiqatlar nazirinin müavini Li Szinfa açıqlama verib.

Layihənin iştirakçıları bu maddənin bir kub/m-nin təbii qazın 160 kubmetrinə bərabər olduğunu açıqlayıb.

“Adi qazın 100 litri ilə avtomobil 300 km gedə bilərsə, bu maddənin köməkliyi ilə 50 min km yol qət edə bilər”, - deyə məlumatda qeyd edilir.