Əfqanıstan-Pakistan, Suriya və İraqdakı hərbi konfliktlərdə iştirak edən Azərbaycan, Qazaxıstan, Qırğızıstan, Rusiya, Tacikistan və Özbəkistan vətəndaşları real hərbi hazırlıqdan sonra artıq MDB ərazisinə qayıtmağa başlayıblar.

Axar.az xəbər verir ki, bunu BMT-nin Təhlükəsizlik Şurasında çıxışı zamanı MDB-nin Antiterror Mərkəzinin rəhbəri Andrey Novikov söyləyib. O bu terrorçular sayəsində Şimali Qafqaz, Azərbaycan və Mərkəzi Asiyadakı İŞİD hücrələrinin gücləndirildiyini bildirib:

“İyun ayının göstəricilərinə əsasən terrorçu və ekstrimist xarakterli cinayətlər ucbatından MDB ölkələrinin 7 min vətəndaşı axtarışdadır. Xüsusilə qeyd etmək istərdim ki, bunlardan 2 mini aktiv döyüş bölgələrində iştirak edən muzdlulardır”.