Çin Xalq Respublikasına səfəri zamanı Rusiya Prezidenti Vladimir Putin jurnalistlərin Ukrayna ilə bağlı suallarını cavablandırmalı olub.

"Axar.az"ın "Russian Today" telekanalına istinadən məlumatına görə, dövlət başçısı daha çox rus ordusunun Ukrayna sərhədləri yaxınlığında mənzillənməsindən danışıb. O, ordunun qonşu ölkənin sərhəd zolağına yaxın bir məsafəyə qədər gətirildiyini etiraf edib:

"Bəli, mən Müdafiə nazirinə göstəriş verdim ki, ordu geri çəkilsin. Daimi məşq yerlərinə göndərilsin. Həmin məkanlar Ukraynaya yaxın ərazilərdir - Rostov və bu tip şəhərlərdir. Müdafiə Nazirliyi isə hazırda tam başqa tapşırıq alıb. Yəni, ordu ümumiyyətlə indi də həmin yerlərdən başqa yelərə dislokasiya olunur. Etiraf edim ki, bu, utandığımız üçün ordan ordunu çəkmirik demək deyil. Anlaşılmalıdır ki, biz suveren dövlətik və istənilən yerdə də ordumuzu saxlaya bilərik. Biz bunu həm də ona görə etdik ki, Ukraynada qarşıdan gələn seçkilərdə kimsə spekulyasiya etməsin. Bəli, sərhəddə kifayət qədər ağır texnikamız var. Əminəm ki, tez bir zamanda oradan hərbi arsenalımızı çıxaracağıq. İnanmayanlar, qoy peykdən bunu bir daha izləsinlər".