ABŞ gəmisi Cənubi Çin dənizindəki mübahisəli sulara beynəlxalq hüquq normalar çərçivəsində daxil olub.

Axar.az xəbər verir ki, bu barədə ABŞ Dövlət Departamentinin nümayəndəsi deyib.

“ABŞ hərbi qüvvələri Cənubi Çin dənizində günbəgün fəaliyyətlərini davam etdirir. Bütün əməliyyat beynəlxalq hüquq normaları əsasında aparılır. Bu, onu göstərir ki, ABŞ qaydalara uyğun olan hər yerdə uçacaq, üzəcək və hərəkət edəcək”, - nümayəndə bildirib.

Qeyd edək ki, ABŞ-a məxsus “Stethem” esminesi Çinə aid olduğu iddia edilən Parasel adalarına daxil olmuşdu.

Rəsmi Pekin ABŞ-ın bu addımını ciddi etirazla qarşılamışdı.