Ukraynada seçkilərə üç gün qalmış bu ölkənin Mərkəzi Seçki Komissiyasının rəsmi saytına güclü haker hücumu başlayıb.

Axar.az xəbər verir ki, bu barədə ölkənin 5-ci kanalı Mərkəzi Seçki Komissiyasının mətbuat xidmətinə istinadən məlumat yayıb. Qeyd olunur ki, axşam saatlarından başlayaraq qurumun rəsmi saytı iflic vəziyyətinə düşüb.

Ölkənin təhlükəsizlik orqanları dərhal məsələyə reaksiya veriblər və hazırda haker hücumunun məkanı araşdırılır, mütəxəssislər isə saytın işlək formaya düşməsi üçün lazımı tədbirlər görürlər. Bəzi yerli ekspertlər artıq bu olaya münasibət bildiriblər və hakerlərin arxasında Kremlin əlinin olacağına şübhə etmirlər.

Xatırladaq ki, səhər saatlarından başlayaraq, Ukraynanın şərq vilayətlərində qanlı toqquşmalar gedir.