Donbas hava limanındakı mənbə bildirib ki, bir qədər öncə əli silahlı şəxslər gələrək, atəş açmağa başlayıblar.

Hadisəni İTAR TASS da təsdiqləyib. Verilən məlumatda qeyd olunur ki, qarşıdurma nəticəsində artıq yaralananlar var. Qondarma Donbas Respublikasının döyüşçülərinin hava limanına soxulmasını aeroportun mətbuat katibi Dmitri Kosinov da dilə gətirib. O, yerli mətbuata separatçıların həmin məkana gəldiyini söyləyib. Bildirib ki, separatçılar Donbas üzrə beş seçki dairəsinin qərargahının müvəqqəti olaraq hava limanında yerləşdirilməsini istəyiblər. Onlar nəyin bahasına olursa olsun, Donbasda seçkilərin baş tutmaması üçün əllərindən gələni edəcəklərini deyiblər.